জাৰাবাৰী চাৰিআলিত ব্যাপক উৎসাহ-উদ্দীপনাৰে হা-ডু-ডু খেল সম্পন্নঃ ভূলোকাবাৰী গাওঁ বিজয়ী।
সৰভোগঃ বৰপেটা জিলাৰ সৰুক্ষেত্ৰী সমষ্টিৰ অন্তৰ্গত জাৰাবাৰী চাৰিআলিৰ নিচেই কাষত পুতলাৰটাৰীত আজি হা-ডু-ডু খেল দিনজোৰা কাৰ্যসূচীৰে সমাপ্ত হয় ।
জাৰাবাৰীৰ কেইজনমান উদীয়মান যুৱকৰ প্ৰচেষ্টাত এই খেল অনুষ্ঠিত হয় ।
প্ৰথম ৰাউণ্ডত চাৰিটাকৈ দলে বিজয়ী হোৱাৰ পিছত দ্বিতীয় ৰাউণ্ডত দুটা দল ফাইনেলত প্ৰৱেশ কৰে ।
ফাইনেলত ভূলোকাবাৰী গাওঁ হাডু-ডু ক্লাবে পুতলাৰটাৰীট পৰাজিত কৰি বিজয়ী হয় ।
প্ৰথম পুৰষ্কাৰ হিচাপে ভূলোকাবাৰী গাওঁ হা ডু ডু ক্লাবে ১০০১ টকা লাভ কৰে আৰু ৰানাৰ্ছ আপ হিচাপে পুতলাৰটাৰী হা ডু ডু ক্লাবে ৩ কিলগ্ৰাম ব্ৰইলাৰ মুৰ্গী লাভ কৰে ।
খেলখনে হাজাৰ হাজাৰ দৰ্শকক আমোদ দিয়া পৰিলক্ষিত হয় ।