জাঁজীত প্ৰাইজমণি ডবা খেল প্ৰতিযোগিতাৰ সামৰণী । বিজয়ী প্ৰতিযোগীক বঁটা প্ৰদান।
শিৱসাগৰ জিলাৰ জাঁজী ভলুকা ভৱন স্মাৰ্ট স্কুলত অনুষ্ঠিত হৈ থকা ডবা খেলৰ সামৰণী অনুষ্ঠান সম্পন্ন হয়। যোৱা ১০ জুলাইৰ পৰা আৰম্ভ হোৱা দবা খেলৰ প্ৰশিক্ষণ কৰ্মশালাৰ অন্তত অনুষ্ঠিত ৫ বছৰৰ উৰ্দ্ধৰ তিনিটা শাখা ক্ৰমে ৯ বছৰ অনুৰ্ধ্ব, ১২বছৰ অনুৰ্ধ্ব আৰু ১৪বছৰ অনুৰ্ধ্ব প্ৰতিযোগিতাৰ বঁটা বিতৰণ কৰা হয়।
উল্লেক্ষ্য যে সমাজ কৰ্মী বোপাৰাম শইকীয়াৰ হৈ পৰিয়াল বৰ্গ আৰু জয়ৰাম গগৈৰ সোৱৰণত অমিয় গগৈয়ে প্ৰতিযোগিতাৰ বঁটা সমূহ আগবঢ়ায়।
সামৰণী অনুষ্ঠানৰ আঁত ধৰে পূব যোৰহাট শিক্ষা খণ্ডৰ প্ৰাথমিক শিক্ষা বিষয়া অৱনী গগৈয়ে। প্ৰতিযোগিতাৰ ফলাফল অনুসৰি ১৪ বছৰ অনুৰ্দ্ধ শাখাত অভিলেশ হৃদয় গগৈয়ে প্ৰথম, অম্বৰীস বৰাই দ্বিতীয় আৰু আৰিয়ান বানচালে তৃতীয় স্থান লাভ কৰে।
আনহাতে ১২ বছৰ অনুৰ্দ্ধ শাখাত কৌশিক বৰ বৰাই প্ৰথম, ঈশান দ্বীপ গগৈয়ে দ্বিতীয় আৰু তৃতীয় স্থান লাভ কৰে প্ৰীতিসা গগৈয়ে।
সেইদৰে ৯ বছৰ অনুৰ্দ্ধ শাখাত প্ৰথম আকাশ বৰুৱা, দ্বিতীয় -বৰ্ণিল আকাশ বৰুৱা, আৰু তৃতীয় স্থান লাভ কৰে দীপাংশু কৌশিকে। ইয়াৰোপৰি বিশেষ উদগনি মূলক বঁটা লাভ কৰে মহম্মদ মুদাচ্ছিৰ হুছেইনে।
উল্লেখ্য যে ৰাজ্যিক দবা চেম্পিয়নশ্বিপৰ ন বাৰৰ চেম্পিয়ন জোনমনি গগৈয়ে প্ৰতিযোগিতাৰ পৰিচালনা কৰে। সামৰণী অনুষ্ঠানত জাঁজী হেমনাথ শৰ্মা মহাবিদ্যালয়ৰ অধ্যাপক বসন্ত সন্দিকৈ, শিক্ষাবিদ চিৰদীপ কোঁৱৰ, স্থানীয় সমাজ কৰ্মী সঞ্জীৱ খাতনিয়াৰ সংবাদ কৰ্মী দিগন্ত শৰ্মা, অৰুণ হাজৰিকাৰ ওপৰিও স্থানীয় ৰাইজ তথা অভিভাৱক সকল উপস্থিত থাকে।