চেলেংহাটত সতী শান্তি ৰাধিকা স্মৃতি দিৱস উদযাপন :
মৰিয়নি সমষ্টিৰ অন্তৰ্গত চেলেংহাট মণ্ডল অনুসূচিত জাতি মৰ্চাৰ উদ্যোগত তথা কলীয়াপানী আদৰ্শ গাঁৱৰ ৰাইজৰ সহযোগত দিনযোৰা কাৰ্যসূচীৰে কলিয়াপানী আদৰ্শ গাঁৱত সতী শান্তি ৰাধিকা স্মৃতি দিৱস উদযাপন কৰে।
অনুষ্ঠানত গছপুলি ৰোপন কৰে জেষ্ঠ ব্যক্তি ভোলাৰাম দাস আৰু নিৰন দাসে। নামঘৰীয়া অতীত দাসে বন্তি প্ৰজ্বলন আৰু চেলেংহাট মণ্ডল অনুসূচিত জাতি মৰ্চাৰ সভাপতি বলিন দাসে দলীয় পতাকা আৰু জানেশ্বৰ দাসে সমাজৰ পতাকা উত্তোলন কৰে।
স্হানীয় কেইবাজনো ব্যক্তিয়ে স্মৃতি তৰ্পণ আৰু সতী ৰাধিকাৰ প্ৰতিচ্ছবিত মাল্যৰ্পন কৰাৰ পাছতেই নাম প্ৰসঙ্গ আৰু বিভিন্ন সাংস্কৃতিক কাৰ্যসূচী অনুষ্ঠিত হয়।
যোৰহাট জিলা অনুসূচিত জাতি মৰ্চাৰ সভাপতি অনন্ত দাসে সভাপতিত্ব কৰা মুকলি সভাত জনমানসত আই সতী ৰাধিকা আৰু তেওঁৰ সতীত্ব ওপৰত বক্তৃতানুষ্ঠান আৰু মুকলি সভা অনুষ্ঠিত হয়। উক্ত মুকলি সভাৰ মাজতে সদ্য ঘোষিত উচ্চ আৰু উচ্চতৰ মাধ্যমিক শিক্ষান্ত পৰীক্ষাত সুখ্যাতিৰে উত্তীৰ্ণ হোৱা ছাত্ৰ ছাত্ৰীক সম্বৰ্ধনা জনোৱা হয়।