বাংগালুৰুঃ ভাৰতৰ চন্দ্ৰযান-৩ চন্দ্ৰৰ দক্ষিণ মেৰুত অৱতৰণ। ইয়াৰ লগে লগে ভাৰত চন্দ্ৰৰ অন্ধকাৰ দিশত অৱতৰণ কৰা প্ৰথমখন দেশ হিচাপে পৰিগণিত হয়। ভাৰতীয় মহাকাশ গৱেষণা সংস্থাৰ প্ৰাক্তন মুৰব্বী কে শিৱনেও চন্দ্ৰযান-৩ অৱতৰণৰ সাক্ষী হ’বলৈ বেংগালুৰুৰ মিছন কণ্ট্ৰ’ল কমপ্লেক্সত উপস্থিত আছিল। লেণ্ডাৰ বিক্ৰম চন্দ্ৰৰ দক্ষিণ মেৰুত অৱতৰণ কৰাৰ লগে লগে শিৱনে আনন্দত জপিয়াই পৰিছিল। মিছনটো সফল হোৱাত তেওঁ ইমানেই সুখী হৈছিল যে অৱতৰণ কৰাৰ পিছত তেওঁ ঘৰলৈ যোৱা নাছিল। তেওঁ কয়, ‘চন্দ্ৰযান-২ৰ অতি সৰু ভুলৰ বাবে আমি সফলতা লাভ কৰিব পৰা নাছিলো, নহ’লে আমি এই সকলোবোৰ ৪ বছৰ আগতে লাভ কৰিব পাৰিলোহেঁতেন।
সংবাদ সংস্থা এএনআইৰ সৈতে বাৰ্তালাপ কৰি ইছৰোৰ প্ৰাক্তন অধ্যক্ষ কে শিৱানে কয়, “মই চন্দ্ৰযান-২ৰ অৱতৰণৰ দিনটো আৰু যোৱা বুধবাৰৰ দিনটো তুলনা কৰিছিলো, সেয়েহে অৱশ্যে, চন্দ্ৰলৈ গৈ দক্ষিণ মেৰুৰ ওচৰত অৱতৰণ কৰাৰ মোৰ সপোন সেইদিনা সঁচা হ’ল। গতিকে, মই অত্যন্ত সুখী যে আমি সেইদিনা চন্দ্ৰযান-৩ এ সফল অৱতৰণত সফল হৈছিলো…।
উল্লেখ্য যে, চন্দ্ৰযান-২ অভিযানৰ বিফলতাৰ পিছত, তেতিয়াৰ ইছৰো ৰ মুৰব্বীৰ শিৱানে উচুপি উচুপি কান্দিবলৈ আৰম্ভ কৰিছিল। সেই সময়ছোৱাত প্ৰধানমন্ত্ৰী শ্ৰী নৰেন্দ্ৰ মোদীয়ে তেওঁক আলিঙ্গন কৰি সাহস প্ৰদান কৰে। শিৱানৰ সেই চকুপানীবোৰ চন্দ্ৰ জয়ৰ জেদ হৈ পৰিছিল আৰু আজি ইছৰোৰ বিজ্ঞানীসকলে সফলতাৰে চন্দ্ৰত অৱতৰণ কৰাত সফল হৈছে।
ইছৰোৰ প্ৰাক্তন অধ্যক্ষ কে শিৱনে কয়, ‘চন্দ্ৰযান-২ত হোৱা এটা সৰু ভুলৰ বাবে আমি সফলতা লাভ কৰিব পৰা নাছিলো। নহ’লে আমি এই সকলোবোৰ ৪ বছৰ আগতে লাভ কৰিব পাৰিলোহেঁতেন৷ এতিয়া আমি অতি আনন্দিত যে আমি সেই ভুলৰ পৰা শিকিলোঁ আৰু তাক ঠিক কৰিলোঁ। ২০১৯ চনত নিজেই আমি চন্দ্ৰযান-৩ কনফিগাৰ কৰিছিলো আৰু ২০১৯ চনত নিজেই সিদ্ধান্ত লৈছিলো যে কি উন্নতি কৰিব লাগে। চন্দ্ৰযান-৩ৰ দ্বাৰা আমি সেই কঠোৰ পৰিশ্ৰম আৰু কষ্টৰ ফল লাভ কৰিলো।
চন্দ্ৰত মহাকাশযান অৱতৰণ কৰিবলৈ চাৰিটা পদ্ধতি গ্ৰহণ কৰা হয়। চন্দ্ৰযান-২ যেতিয়া অৱতৰণ কৰি আছিল, তেতিয়া টাৰ্মিনেল ডেচেণ্ট ফেজৰ প্ৰায় তিনি মিনিট আগতে লেণ্ডাৰখনে নিজৰ পথৰ পৰা বিচ্যুত হৈছিল। লেণ্ডাৰখনে ৫৫ ডিগ্ৰী অক্ষাংশত ঘূৰিব লাগিছিল যদিও ৪১০ ডিগ্ৰীতকৈ অধিক ঘূৰি শেষত কঠিন অৱতৰণ কৰিলে। চন্দ্ৰৰ পৃষ্ঠত খুন্দা মৰাৰ পিছত লেণ্ডাৰখন ভাঙি যায়। চন্দ্ৰযান-৩ৰ ক্ষেত্ৰত এই ভুল শুধৰোৱা হৈছিল। ইয়াৰ লগতে গতিবেগ আৰু দিশ নিয়ন্ত্ৰণৰ বাবে স্থাপন কৰা ইঞ্জিনবোৰো সময় অনুসৰি ব্যৱহাৰ কৰা হৈছিল।