কামৰূপ জিলা কৃষি বিভাগৰ উদ্যোগত ৰঙিয়াত কাতি বিহু উদযাপন

ৰঙিয়াঃ অসমীয়া জাতীয় জীৱনৰ পৰম্পৰাগত উৎসৱ কাতি বিহু উপলক্ষে আজি ৰঙিয়াৰ নকুলত বিস্তৃত কাৰ্যসূচী ৰূপায়ণ কৰা হয়।

কামৰূপ জিলা কৃষি বিভাগৰ উদ্যোগত তথা অঞ্চলটোৰ কৃষিজীৱী ৰাইজৰ সহযোগত কাতি বিহু উপলক্ষে আয়োজন কৰা হয় বিস্তৃত কাৰ্যসূচী ।

বিয়লিৰ ভাগত স্থানীয় বিধায়ক তথা বিজেপি দলৰ ৰাজ্যিক সভাপতি ভবেশ কলিতা কাৰ্যসূচীত উপস্থিত থাকি তুলসীৰ তলত বন্তি প্ৰজ্বলনৰ লগতে ধাননি পথাৰতো আকাশবন্তি প্ৰজ্বলন কৰে ।

আনহাতে ইয়াৰ পূৰ্বে জিলা কৃষি বিভাগৰ সৌজন্যত অনুষ্ঠিত সভাত বিভাগীয় আচনিৰ বিষয়ে আলোকপাত কৰাৰ লগতে প্ৰধানমন্ত্ৰী ফচল বিমা যোজনাৰ পলিচি বিতৰণ কৰা হয় ।