ৰঙিয়াঃ কামৰূপৰ ৰঙিয়াত নিশা মালবাহী ট্ৰাকৰ পৰা উদ্ধাৰ বৃহৎ পৰিমানৰ অপিয়ম সহ নগদ দুই লাখ টকা।
- PB-10FF- 4025 নম্বৰৰ এখন ট্ৰাকত সৰবৰাহ কৰিবলৈ লওঁতে ৰঙিয়া আৰক্ষীৰ জালত পৰিল পাঞ্জাৱৰ দুই সৰবৰাহকাৰী সহ বুজন পৰিমাণৰ অপিয়ম।
- ৫কিলো গ্ৰাম অপিয়ম সহ পাঞ্জাৱৰ জাজউইন্দৰ সিঙ আৰু দলজিৎ নামৰ দুই সৰবৰাহকাৰীক আটক কৰে ৰঙিয়া আৰক্ষীয়ে।
ৰঙিয়া থানাৰ ভাৰপ্ৰাপ্ত আৰক্ষী বিষয়া ভাস্কৰমল্ল পাটোৱাৰীৰ নেতৃত্বত এটা বৃহৎ আৰক্ষীৰ দলে ৰঙিয়াৰ ২৭ নং ৰাষ্ট্ৰীয় ঘাইপথৰ উৰণীয়া সেতুৰ ওপৰত আটক কৰিবলৈ সক্ষম হয়।
সম্প্ৰতি আটকাধীন লোক দুয়োগৰাকীক ৰঙিয়া আৰক্ষীয়ে জেৰা অব্যাহত ৰাখিছে।