অসম চৰকাৰৰ শিক্ষা বিভাগৰ অধীনত কমলপুৰত যোৱাকালি আনুষ্ঠানিকভাবে উদ্বোধন কৰা হয় CBSE মাধ্যমৰ পাঠ্যক্ৰম।
কমলপুৰৰ বাইহাটাত CBSEৰ অন্তৰ্গত ইংৰাজী মাধ্যমৰ আদৰ্শ বিদ্যালয়ৰ শুভাৰম্ভ কৰে কামৰূপ জিলাৰ অভিভাৱক মন্ত্ৰী চন্দ্ৰ মোহন পাটোৱাৰীয়ে।
আজিৰ এই অনুষ্ঠানত স্থানীয় বিধায়ক দিগন্ত কলিতা, অতিৰিক্ত উপায়ুক্ত জীৱন কৃষ্ণ গোস্বামী,ৰঙিয়া মহকুমাধিমতি দ্বীপন বৰ্মন, জিলা বিদ্যালয়সমূহৰ পৰিদৰ্শক অপূৰ্ব ঠাকুৰীয়া, ছাত্ৰ-ছাত্ৰীৰ লগতে স্থানীয় ৰাইজে অংশগ্ৰহণ কৰে।
অনুষ্ঠানত উপস্থিত থাকি কামৰূপ জিলাৰ অভিভাৱক মন্ত্ৰী চন্দ্ৰ মোহন পাটোৱাৰীয়ে ইংৰাজী মাধ্যমৰ এই আদৰ্শ বিদ্যালয় সমূহ শিক্ষাৰ ক্ষেত্ৰত এক যুগান্তকাৰী পদক্ষেপ বুলি মন্তব্য কৰে।