এজনী গাইগৰুৱে জন্ম দিলে ছয় ঠেঙিয়া পোৱালী৷
নলবাৰী জিলাৰ ঘগ্ৰাপাৰ আৰক্ষী থানাৰ অন্তৰ্গত আমৰা গাৱঁৰ গোপাল দাসৰ পোহনীয়া গাইগৰু এজনীয়ে আজিৰ পৰা তিনিদিন মান আগতে এটি ছয ঠেঙীয়া পোৱালি জন্মদিয়াত অঞ্চল জুৰি চাঞ্চল্যৰ সৃষ্টি হৈছে৷
উল্লেখযোগ্য যে দমৰা পোৱালীটোৰ স্বাভাৱিক থকা ভৰি চাৰিখনৰ উপৰিও পিঠিৰ ৰাজহাড় দালৰ কাষতে আকৌ দুখন ভৰি থকাটো প্ৰত্যক্ষ কৰাত গৃহস্থৰ লগতে গাওঁবাসীৰো কৌতূহল উপজে৷
বৰ্তমানো পোৱালিটো সম্পূৰ্ণ সুস্থ অৱস্থাতে আছে৷ অবেশ্যই গৃহস্থৰ লগতে স্থানীয় ৰাইজে এইটো শুভলক্ষণ বুলি প্ৰকাশ কৰিছে৷ মনকৰিবলগীয়া যে শাওঁণ মাহ পৰিবলৈ বেচিদিন নাই৷শাওঁণ মাহ মহাদেৱ শিৱৰ অতিপাত প্ৰিয় মাহ৷ উক্ত মাহৰ প্ৰাকক্ষণত এটি সুন্দৰ দমৰা পোৱালি ছয় ভৰিৰে জন্ম হোৱাটো পৰিয়াল তথা ৰাইজে শুভ বুলি প্ৰকাশ কৰিছে৷