অমিতাভ বচ্চন আৰু শ্বাহৰুখ খানৰ পিচত এতিয়া বলীউডে লাভ কৰিলে নতুন ডন। এইবাৰ শ্বাহৰুখৰ সলনি ৰণবীৰক দেখা যাব ডনত।
দীৰ্ঘদিন ধৰি ডন ৩ ছবিখনৰ বাবে অপেক্ষা কৰি আছিল অনুৰাগীয়ে । এতিয়া পৰিচালক ফাৰহান আখতাৰে মঙলবাৰে ডনৰ সম্পৰ্কে এটা ডাঙৰ আপডেট শ্বেয়াৰ কৰিলে । শ্বাহৰুখৰ সলনি ৰণবীৰক দেখা যাব ডনত ।
হিন্দী ছবিত ডন ফ্ৰেঞ্চাইজিৰ এইখন চতুৰ্থখন ছবি । ১৯৭৮ চনত চন্দ্ৰ বৰদৰ পৰিচালনাত নিৰ্মিত ডন ছবিত অমিতাভ বচ্চনক প্ৰথম দেখা গৈছিল । অমিতাভে ছবিখনত ডনৰ চৰিত্ৰটো এনেদৰে অভিনয় কৰিছিল যে ছবিখন আইকনিক হৈ পৰিছিল । ইয়াৰ পিচত ফাৰহান আখতাৰে ২০০৬ চনত শ্বাহৰুখ খানক বলীউডৰ নতুন ডন হিচাপে চিনাকি কৰাই দিয়ে ৷ ইয়াৰ পিচত ২০১১ চনত আকৌ এবাৰ ফাৰহানে শ্বাহৰুখৰ সৈতে ডন ২ নিৰ্মাণ কৰিছিল । এই ছবিখনো সফল হৈছিল আৰু ডন হিচাপে শ্বাহৰুখক দৰ্শকে যথেষ্ট ভাল পাইছিল । এতিয়া নতুন যুগত ফাৰহানে উপস্থাপন কৰিছে নতুন ডন । ডন হিচাপে ৰণবীৰ সিঙক দৰ্শকে কিমান পছন্দ কৰে সেয়া হ’ব লক্ষণীয় বিষয় ।
সাময়িক ভাৱে মেকাৰে কেৱল ডন অৰ্থাৎ ৰণবীৰ সিঙৰ প্ৰথম লুকহে প্ৰকাশ কৰিছে । ছবিখনত আন কোন কোন চৰিত্ৰ থাকিব সেই বিষয়ে এতিয়াও কোনো তথ্য শ্বেয়াৰ কৰা নাই ৷ ডন ৩ ছবিখন পৰিচালনা কৰিব ফাৰহান আখতাৰে । ছবিখন লিখিছে ফাৰহান আখতাৰেই ৷ আনহাতে সংগীত প্ৰদান কৰিছে শংকৰ এহছান লয় আৰু প্ৰথম ডন ৰচনা কৰা জাভেদ আখতাৰে (চেলিম খানৰ সৈতে) এই ছবিখনৰ গীত লিখিছে । এই ছবিখন ২০২৫ চনত আহিব বুলি ফাৰহানে জনাইছে ।