বাহাৰঘাটঃ এইবাৰ মদ ব্যৱসায়ীৰ নতুন কৌশল, কিশোৰৰ হতুৱাই স্কুটিৰে সৰবৰাহ কৰে বিলাতী সুৰাৰ বটল।
আজি আবেলি হাজো সমষ্টিৰ দৈচপৰাত ৰাইজে এজন মদ সৰবৰাহ কাৰীক স্কুটি সহ আৱদ্ধ কৰে৷
আৱদ্ধ কৰা কিশোৰ গৰাকী নলবাৰী জিলাৰ দোকোহা অঞ্চলৰ কঠালগোপাৰ বুলি জানিব পৰা গৈছে৷
জানিব পৰামতে ধৃত কিশোৰ জন ইয়াৰ পুৰ্বে গৰমচুংত মদ সহ আৱদ্ধ হোৱা উৎপল দাসৰ ভাতৃ৷
ইয়াক লৈ ৰাইজৰ মাজত প্ৰতিক্ৰিয়াৰ সৃষ্টি হৈছে আৰু অষ্টমমান শ্ৰেণীত অধ্যায়নৰত কিশোৰক অবৈধ কাৰ্য্যত লিপ্ত কৰা লোকৰো শাস্তিৰ দাবী কৰিছে৷
ইতিমধ্যে কিশোৰ গৰাকীক কঞাঁ আৰক্ষীয়ে আটক কৰি জেৰা অব্যাহত ৰাখিছে৷