বলীউদত পুনৰ শোকৰ ছাঁ। আমিৰ খানৰ ব্লকব্লাষ্টাৰ ছবি ‘থ্ৰী ইডিয়টছ’ত অভিনয় কৰা অভিনেতা অখিল মিশ্ৰৰ দেহাৱসান। মৃত্যুৰ সময়ত অভিনেতাজনৰ বয়স আছিল প্ৰায় ৫৮ বছৰ। থ্ৰী ইডিয়টছত তেওঁ লাইব্ৰেৰিয়ান ডুবেৰ চৰিত্ৰ ৰূপায়ণ কৰিছিল।
বলীউদৰ কেইবাখনো ছবিত অভিনয় কৰিছে অখিল মিশ্ৰই। ই–টাইমছৰ ৰিপ’ৰ্ট অনুসৰি, এক সাধাৰণ দুৰ্ঘটনাই তেওঁৰ প্ৰাণ ল’লে। ৫৮ বছৰীয়া অখিল মিশ্ৰৰ মৃত্যু পাকঘৰৰ কাম কৰি থকাৰ সময়ত পিচলি পৰাৰ ফলত হয়। অভিনেতাজনৰ মৃতদেহ ইতিমধ্যে মৰণোত্তৰ পৰীক্ষাৰ বাবে প্ৰেৰণ কৰা হৈছে।
অখিল মিশ্ৰই বলীউদৰ কেইবাখনো ছবিত অভিনয় কৰিছে। ইয়াৰ ভিতৰত আছে ডন, ৱেল ইন আব্বা, হাজাৰো খোৱাহিছে আদি। কিন্তু আটাইতকৈ অধিক জনপ্ৰিয়তা লাভ কৰে আমিৰ খানৰ ছবি ‘থ্ৰী ইডিয়টছ’ৰ জৰিয়তে। ছবিখনত তেওঁ ৰূপায়ণ কৰা লাইব্ৰেৰিয়ান ডুবেই দৰ্শকৰ হৃদয়ত চাপ পেলাই গৈছিল।