আমগুৰিৰ দেওপানী চাহ বাগিছাত শ্ৰমিকৰ বিভিন্ন সমস্যা সমাধানৰ দাবীত ধৰ্ণা কাৰ্যসূচী।
চাহ বাগিচাৰ শ্ৰমিক ৰাইজৰ বিভিন্ন সমস্যাৰ ওপৰত অসম চৰকাৰৰ ওচৰত অসম চাহ মজদুৰ সংঘই যোৱা ২৬ জুলাইত এখন ১১ দফীয়া দাবী পত্ৰ দাখিল কৰিছিল।
অসম চৰকাৰে চাহ শ্ৰমিক ৰাইজৰ এই ১১ দফীয়া দাবী সমূহ সমাধানৰ ব্যৱস্থা গ্ৰহণ নকৰাত শুক্ৰবাৰে পুৱা দেওপানী চাহ বাগিচাতো ১ ঘণ্টীয়া ধৰ্ণা কাৰ্যসূচী ৰূপায়ন কৰে।
শতাধিক চাহ শ্ৰমিক অংশগ্ৰহণ কৰে এই ধৰ্ণা কাৰ্যসূচীত।
বিভিন্ন চৰকাৰ বিৰোধী শ্লোগানৰে পৰিৱেশ উত্তাল কৰি ধৰ্ণা কাৰ্যসূচী ৰূপায়ন কৰে চাহ শ্ৰমিক সকলে।
এই ১ ঘণ্টীয়া ধৰ্ণা কাৰ্যসূচীৰ যোগেদি অসমৰ মুখ্যমন্ত্ৰী, শ্ৰম মন্ত্ৰী, বাগিচাৰ পৰিচালক আৰু বিভাগীয় কতৃপক্ষলৈ অসম চাহ মজদুৰ সংঘই পুনৰ ১১ দফীয়া দাবী প্ৰত্ৰ প্ৰদান কৰে।