আন্তৰ্জাতিক যুৱ দিৱস উপলক্ষে তামুলপুৰ জিলা যুৱ ইউপিপিএলৰ উদ্যোগত বৃক্ষৰোপন কাৰ্যসূচী ।
শনিবাৰে তামুলপুৰ জিলা যুৱ ইউপিপিএলৰ উদ্যোগত আৰু ২৮ নম্বৰ গয়বাৰী ব্লক ইউপিপিএলৰ সহযোগত চিকনীবাৰী আৰু দ্বাৰকুছিত গড়আলীত এক বৃক্ষৰোপন কাৰ্যসূচী ৰূপায়ণ কৰা হয় ।
সেই উপলক্ষে সদস্য সকলে তুলসীবাৰীৰ গড়আলীৰ কালি মন্দিৰৰ বাকৰি এখন সাধাৰণ সভা অনুষ্ঠিত কৰে । সংগঠনটোৰ মহিলা শাখাৰ সম্পাদিকা হেলেনা স্বৰ্গীয়াৰি আত ধৰা সভাখনত অঞ্চলটোৰ কেইবাগৰাকীও বিশিষ্ট ব্যক্তিক ফুলাম গামোচা, আৰনাইৰে সম্বৰ্ধনা জনোৱা হয় ।
উক্ত অনুষ্ঠানটোত যুৱ ইউপিপিএলৰ সম্পাদক ৰোমিত স্বৰ্গীয়াৰিয়ে বৰ্তমান সময়ত যুৱ সমাজৰ ভূমিকা তথা সমাজ উন্নয়নত যুৱ শক্তিৰ প্ৰয়োজনীয়তাৰ ওপৰত বক্তব্য আগবঢ়ায় । লগতে সমগ্ৰ বিটিআৰত ইউপিপিএল দলৰ লগতে যুৱ ইউপিপিএলৰ একাণপতীয়া প্ৰচেষ্টাৰ ফলত শান্তি স্থাপন হৈছে বুলিও দোহাৰে ।
সভাৰ অন্তত যুৱসকলৰ বাবে সেউজীয়া দক্ষতা , এক বহনক্ষম পৃথিৱীৰ দিশত শীৰ্ষক সজাগতামূলক অনুষ্ঠানৰ যোগেদি অঞ্চলটোৰ বিভিন্ন প্ৰান্তত মূল্যবান গছপুলি ৰোপণ কৰা হয় । বৃক্ষৰোপন কাৰ্যসূচীত সদস্য সকলে ৫০ডাল গছ পুলি ৰোপণ কৰে ।