ৰঙিয়াঃ আজি বিশ্ব ফাৰ্মাচীষ্ট দিৱস । এই উপলক্ষে ৰঙিয়াৰ ৰাইজমেল কৃষক ভৱনত এচ’চিয়েছন অৱ ৰেজিষ্টাৰ্ড ফাৰ্মাচীষ্ট চমুকৈ আৰপাৰ কামৰূপ জিলা সমিতিয়ে এক সভাৰ আয়োজন কৰে ।
কামৰূপ জিলা সমিতিৰ সভাপতি দিগন্ত কুমাৰ বৈশ্যই আত ধৰা সভাখনত কামৰূপ জিলাৰ বহু কেইগৰাকী ফাৰ্মাচীষ্টে অংশগ্ৰহণ কৰে । সভাখনৰ আৰম্ভণিতে ৰঙিয়াৰ কেইবাগৰাকীও বয়োজেষ্ঠ ফাৰ্মাচীষ্টক সম্বৰ্ধনা জনোৱা হয় ।
সভাখনত উপস্থিত থকা ফাৰ্মাচীষ্ট সকলে বৰ্তমান ফাৰ্মাচিষ্ট সকলৰ অৱস্থা তথা পৰিস্থিতি সম্পৰ্কে আলোচনা কৰে । বিশেষকৈ বৰ্তমান সময়ত চৌদিশে অবৈধ ভাৱে বৃদ্ধি পোৱা ফাৰ্মাচীবোৰৰ সংখ্যা দিনে দিনে বাঢ়ি যোৱা বাবে সৰ্বসাধাৰণৰ স্বাস্থ্যৰ প্ৰতি ভাবুকি নামি আহিছে বুলি চিন্তা ব্যক্ত কৰে ।